Այսօր` մարտի 23-ին «Սանտյագո Բերնաբեու» մարզադաշտում կկայանա իսպանական Էլ Կլասիկոն` «Ռեալ Մադրիդ» – «Բարսելոնա» հանդիպումը: Սովորաբար, Կլասիկոն Պրիմերայի չեմպիոնական մրցավազքում հազվադեպ է որոշիչ դառնում. այս դիմակայությունում խաղարկվում են նույնքան միավորներ, որքան՝ այլ մրցավեճերում և այս հանդիպման հաղթողն ավելի շուտ հոգեբանական առավելություն է ստանում:
Վերջին տարիներին, իսպանական այս երկու գրանդների՝ մինմյանց միջև հանդիպումները որոշիչ են դարձել միայն 2006/2007 թվականին, երբ թե՛ «Ռեալը», և թե՛ «Բարսելոնան» հավաքեցին 76-ական միավոր, սակայն չեմպիոն հռչակվեց «Արքայական ակումբը», քանի որ անձնական հանդիպումներում առավելություն ուներ. Մադրիդում գրանցվել էր 2:0 (գոլերը՝ Ռաուլ և Վան Նիստելրոյ), իսկ Կատալոնիայիում` 3:3 (դուբլ՝ Վան Նիստելրոյ, Սերխիո Ռամոս – Մեսսի` հեթ-տրիկ) հաշիվները:
Ընթացիկ խաղարկությունում, 2003/2004 թվականից ի վեր առաջին անգամ, Պրիմերայի չեմպիոնի համար պայքարին, «Բարսելոնայից» և «Ռեալից» զատ, մասնակցում է նաև այլ թիմ:
Այսպես, Մադրիդի «Ատլետիկոն» 29-րդ տուրից առաջ ընթանում է մրցաշարային աղյուսակի երկրորդ հորիզոնականում: Այդ պատճառով այսօրվա Էլ Կլասիկոն կրկնակի կարևորություն է ստանում, քանի որ «Ռեալի» հաղթանակի դեպքում՝ հենց նրանց համաքաղաքացինները կդառնան չեմպիոնության համար պայքարում երկրորդ ֆավորիտը, իսկ կատալոնացիների հաղթանակի դեպքում՝ Ատլետիկոն կարող է հավասարվել «Ռեալին» և անձնական հանդիպումներում ունեցած առավելության շնորհիվ՝ գլխավորել մրցաշարային աղյուսակը: Ոչ-ոքի արդյունքի դեպքում, մադրիդյան ակումբների միջև միավորների տարբերությունը կարող է հասնել նվազագույնի:
Պատրաստեց` Casorla, ArmSports.do.am -ի համար
