«Մանչեսթեր Յունայթեդի» գլխավոր մարզիչ Դեյվիդ Մոյեսը հայտարարել է, որ անկախ այն հանգամանքից, որ թիմի պաշտպան Նեմանյա Վիդիչն արդեն նախնական պայմանագիր է կնքել Միլանի «Ինտերի» հետ, նա կշարունակի մնալ «սև սատանաների» ավագը մինչև այս մրցաշրջանի ավարտը: Միաժամանակ Մոյեսը նշել է, որ այս պահին ցանկանում է փորձարկումներ կատարել ստուգելու համար երիտասարդ խաղացողներ Քրիս Սմոլինգի, Ֆիլ Ջոնսի և Ջոնի Էվանսի ընդունակությունները:
«Դա ոչինչ չի փոխում (Վիդիչի հեռանալը), սակայն մինչև առաջնության ավարտը մենք ևս մի քանի խաղ ունենք, և ես մի քանի երիտասարդ խաղացողներ ունեմ, որոնց ցանկանում եմ տեսնել: Ցանկանում եմ, որ նրանք ցույց տան ինձ, թե ինչի են ընդունակ, և ես դիտարկում եմ վերջին մեկ-երկու ամիսների ընթացքում նրանց խաղային ժամանակ տալու տարբերակը»,-Մոյեսի խոսքերն է մեջբերում «Sky Sports»-ը:
Պատրաստեց` Mkhitaryan, ArmSports.do.am -ի համար